ဘဟာအီသာသနာသည် အခြားဘာသာများကဲ့သို့ ဘုရားရှင်တစ်ဆူ ကြွလာပွင့်တော်မူလာပြီး အသစ်သောကျမ်းစာဖြင့် တည်ထောင်ခဲ့သော ကမ္ဘာ့သာသနာတစ်ခုဖြစ်သည်။ ဤသာသနာသည် ၁၈၄၄ ခုနှစ်တွင် ပေါ်ပေါက်ခဲ့၍ မြန်မာနိုင်ငံသို့ ၁၈၇၈ ခုနှစ်တွင် စတင်ရောက်ရှိခဲ့သည်။ ဘဟာအီသာသနာ ပွင့်ထွန်းပေါ်ပေါက်လာသည့် အဓိကရည်ရွယ်ချက်မှာ လူသားအားလုံးတို့အား မိသားစုတစ်စုတည်းကဲ့သို့ ဖြစ်စေပြီး၊ ကမ္ဘာကြီးအား တိုင်းပြည်တစ်ပြည်တည်းကဲ့သို့ဖြစ်စေရန်နှင့် လူသားအားလုံး ပေါင်းစည်းညီညွတ် ကြစေရန်ဖြစ်သည်။

“ထိုမြင့်မြတ်သော ကြွလာပွင့်တော်မူသောအရှင်တို့သည် ဤကမ္ဘာမြေကြီးအတွက် နွေဦးရာသီ ရောက်ရှိလာသကဲ့သို့တည်း။ နွေဦးရာသီတစ်ခုစီတိုင်းသည် ဖြစ်တည်မှုအသစ်၏ အချိန်ကာလဖြစ်သည်။”

ဘဟာအီသာသနာသည် အားလုံးတို့ကိုးကွယ်ရာ ဘုရားရှင်၏ ယုံကြည်စွာ စေလွှတ်ခြင်းခံရသည့် အလင်းတော်ရအရှင်နှစ်ပါး ဖြစ်တော်မူသော ဘာဗ်ဘုရားရှင်နှင့် ဘဟာအွလ္လာဘုရားရှင်တို့ ပွင့်ထွန်း လာခြင်းဖြင့် စတင်ပေါ်ထွန်းခဲ့သည်။ ယနေ့ခေတ်အတွက် သာသနာတော်၏ ထူးခြားသော စည်းလုံးညီညွတ်မှုမှာ ဘဟာအွလ္လာဘုရားရှင်၏ ရှင်းလင်းပြတ်သားသော ဆုံးမသြ၀ါဒတော်များနှင့် လမ်းညွှန်ချက်များကို အရှင်ပျံလွန်ကြွမြန်းသွားသည့်တိုင် ဆက်လက်၍ လိုက်လျှောက်ကျင့်သုံးနေကြ သောကြောင့်ဖြစ်သည်။ ပဋိညာဉ်သစ္စာတော်အရ ဘဟာအွလ္လာဘုရားရှင် ပျံလွန်ကြွမြန်း တော်မူသွားသောအခါ အရှင်၏သားတော် အဗ္ဗဒွလ်ဘဟာအရှင်မြတ်၊ အဗ္ဗဒွလ်ဘဟာအရှင်မြတ်ပြီးနောက် အရှင်၏မြေးတော်ဖြစ်သော ရှော်ဂီအီဖန်ဒီ အရှင်မြတ်နှင့် ထိုမှတဖန် ကမ္ဘာ့သမာဓိအဖွဲ့ချုပ်တို့ကို အစဉ်အဆက် ဆက်ခံသူများအဖြစ် ဘဟာအွလ္လာဘုရားရှင် ချမှတ်ပြဌာန်း ထားတော်မူသည့် အတိုင်းခန့်အပ်ခဲ့သည်။ ဘဟာအီ သာသနာဝင်တစ်ဦးသည် ဘာဗ်ဘုရားရှင်၊ ဘဟာအွလ္လာဘုရားရှင်နှင့် ထိုခန့်အပ်ခြင်းခံရသော ပဋိညာဉ် ဆက်ခံသူများကို လက်ခံကြရပေမည်။